سماجی رابطے کی ویب سائٹ ایکس پر پاکستان کی برطانوی ہائی کمیشن نے ایک ویڈیو شئیر کرتے ہوئے پاکستانیوں سے اس دھن کو پہچاننے کا کہا۔

شئیر کی گئی ویڈیو میں برطانوی فوج کے اس بینڈ کو ٹرمپٹ کی مدد سے اس دھن کو بجاتے ہوئے دیکھا جاسکتا ہے۔

پاکستانیوں نے اس مقبول گانے کی دھن کو نہ صرف باآسانی پہچانا بلکہ بینڈ کی کاوشوں کو بھی خوب سراہا ہے۔

مزید پڑھیں:

عبد الرزاق نے ایشوریہ کے سسر امیتابھ بچن سے ذاتی طور پر معافی مانگی؟

فلم ’بازی گر‘ کو 3 دہائیاں مکمل، کاجول نے خصوصی پوسٹ شئیر کردی

آغا علی نے علیحدگی کی افواہوں پر وضاحت پیش کردی

پنجابی زبان میں شہرت کی بلندیوں کو چھونے والا یہ گانا پسوڑی، گزشتہ سال کوک اسٹوڈیو پاکستان کے 14 ویں سیزن میں ریلیز کیا گیا تھا۔

شے گل کا یہ پہلا سولو گانا ہے جس میں گلوکارہ نے اپنی سُریلی آواز کا جادو جگایا۔

یہ گانا بھارت میں بڑے پیمانے پر ہٹ ہوا، جہاں اسے لاکھوں ویوز ملے۔ یہ نہ صرف ہفتوں تک مقبول رہا بلکہ کئی بار اس کو ریمیک بھی کیا گیا تھا۔