نگراں صوبائی وزیر مذہبی امور عمر سومرو نے وفاق کو احتجاجی لکھ دیا جس میں کہا گیا کہ سندھ مذہبی امور کے ملازمین کو بھی حج مشن خدمات کے لیے تعینات کیا جائے۔

عمر سومرو نے کہا کہ جب صوبائی کوٹہ مختص ہے تو عمل کیوں نہیں ہوتا، صوبوں کو حج مشن میں بطور خادمین حصہ نہیں دیا جاتا۔

صوبائی نگراں وزیر نے خط میں لکھا کہ ہر سال 300 وفاقی ملازمین حجاج کی خدمت کے لیے سعودی میں تعینات ہوتے ہیں تاہم وفاق سندھ سے خدمت کے لئے ایک بھی ملازم نہیں بلاتا۔

یہ بھی پڑھیں:

حج پالیسی 2024 کا اعلان، ایک لاکھ روپے کی کمی، مختصر دورانیے کا حج بھی متعارف

’اب حج اخراجات کی بات پاکستانی روپے نہیں ڈالر میں ہوگی‘

ان کا کہنا تھا کہ گذشتہ سال کے مقابلے 2024 میں زیادہ حجاج فریضہ حج کے لئے جا سکتے ہیں، لہٰذا مشن کے لیے زیادہ ملازمین درکار ہوں گے، 18ویں ترمیم کے بعد صوبائی مذہبی امور کو حج مشن تعیناتی میں شامل کیا جائے۔