ترجمان پی آر اے کے مطابق پنجاب ریونیو اتھارٹی کی جانب سے ڈیسک اسکروٹنی ایکسرسائز میں اربوں روپے کے ٹیکس میں تضاد سامنے آیا ہے، جس میں اربوں کا واجب الادا ٹیکس قومی خزانے میں جمع نہ کرانے کا انکشاف ہوا ہے۔

ترجمان پی آر اے کا کہنا ہے کہ پبلک و پرائیویٹ کمپنیز کو دی جانے والے سروسز پر ٹیکس ود ہولڈ کیا گیا، اور پبلک و پرائیویٹ کمپنیوں کی جانب سے حاصل کردہ سروسز پر اصل ٹیکس ظاہر نہیں کیا گیا۔

ترجمان کے مطابق پی آر اے کی جانب سے کمپنیوں کو ری کنسلیشن کے لئے ایک ماہ کا وقت دے دیا ہے، ری کنسلیشن کے ذریعے کمپنیوں کو اپنا ریکارڈ چیک کرنے کے لئے وقت فراہم کیا گیا۔