کراچی چیمبر آف کامرس اینڈ انڈسٹریز میں کراچی کے تمام صنعتی زونز کے نمائندوں نے مشترکہ پریس کانفرنس کی، صنعتکاروں نے کہا کہ ہم چاہتے ہیں کہ صنعتیں چلتی رہیں، انڈسٹری چلے گی تو مزدور کا چولہا بھی جلے گا، لیکن صورتحال ناقابل برداشت ہوچکی ہے۔

صنعتکاروں کا کہنا تھا کہ صنعتیں بحران کا شکار ہیں، اور گیس نہیں ملی رہی، اگر ہمیں گیس نہیں ملی تو شہر بھر میں احتجاج کریں گے، اور برامدات روک دیں گے، اگر پھر بھی ہمارے مطالبات نہ مانے گئے تو ملک گیر احتجاج کریں گے، جب کہ دسمبر کے پہلے ہفتے میں انڈسٹریز بند کردیں گے۔