آئی سی سی نے انڈر نائنٹین ورلڈ کپ سری لنکا سے جنوبی افریقا منتقل کردیا، جونیئر ورلڈ کپ آئندہ برس جنوری میں کھیلا جائے گا۔

کرک انفو کے مطابق آئی سی سی نے یہ فیصلہ اپنے بورڈ اجلاس میں کیا، جس میں سری لنکن حکام کے مؤقف کو بھی سنا گیا تاہم سری لنکن بورڈ کے نمائندے سیاسی مداخلت کے معاملے پر آئی سی سی کو مطمئن نہ کرسکے۔

بہرحال آئی سی سی نے سری لنکا کے دومیسٹک اور انٹرنیشنل شیڈول کو جاری رکھنے پر اتفاق کیا ہے، جو اس کی رکنیت معطلی کی وجہ سے متاثر نہیں ہوگا۔