سماجی رابطوں کی ویب سائٹ ایکس پر وائرل کلپ میں دیکھا جاسکتا ہے کہ شاہد کپور سیاہ لباس پہن کر اسٹیج پر پرفارم کر رہے تھے۔ انہیں چاروں طرف سے ڈانسرز کے گروپ نے گھیر رکھا تھا۔

اسی دوران اداکار ڈانس کرتے کرتے گرپڑے، تاہم انہوں نے پھرتی سے اٹھ کر اپنی پرفارمنس کو جاری رکھا۔

اداکار نے گرنے کے باوجود چند لمحوں کا توقف کیا اور ایسے اٹھ کھڑے ہوئے جیسے کہ کچھ ہوا ہی نہیں تھا، اس دوران خواتین ڈانسرز نے تسلسل برقرار رکھنے کے لیے اپنی پرفارمنس جاری رکھی ہوئی تھی۔

مزید پڑھیں:

سلمان خان نے خاتون صحافی کو سر عام بوسہ دے دیا

ٹیپ بال پریمیئر لیگ کی ڈرافٹنگ میں ساحر علی بگا کی شاندار پرفارمنس

شاہد موٹر سائیکل پر سوار ہو کر اسٹیج پر پہنچے تھے اور کرینہ کپور کے ساتھ اپنی مقبول ترین فلم ’جب وی میٹ‘ کے سُپر ہٹ گانے ’موجاں ہی موجاں‘ پر پرفارم کیا تھا۔

اس پرفارمنس سے قبل اداکار نے ریڈ کارپٹ پر بھارتی میڈیا سے مختصر گفتگو کرتے ہوئے کہا تھا کہ میں IFFI میں آکر بہت خوش ہوں اور پرفارم کرنے کے لیے پرجوش ہوں، گوا میری پسندیدہ جگہ ہے۔