ناران، جھیل سیف الملوک، بٹہ کنڈی میں برفباری جاری ہے، جبکہ بارش اور برفباری سے بالائی علاقوں میں موسم مزید سرد ہوگیا ہے۔

پنجاب اور خیبرپختونخوا کے میدانی علاقوں میں خاص طور پر رات اور صبح کے اوقات میں دھند پڑنے کا امکان ہے۔

پوٹھوہار اور بالائی پنجاب میں تیزہواؤں کے ساتھ بارش کا امکان ہے، جبکہ اسلام آباد میں مطلع ابرآلود، آندھی، گرج چمک کے ساتھ بارش متوقع ہے۔

بالائی خیبرپختونخوا،گلگت بلتستان اورکشمیرمیں بارش، پہاڑوں پر برفباری، چند مقامات پر ژالہ باری کا امکان ہے۔

گزشتہ روزاسکردومیں درجہ حرارت منفی 3 ڈگری سینٹی گریڈ رہا اوراسلام آباد میں کم سے کم درجہ حرارت8 ڈگری سینٹی گریڈ ریکارڈ کی گیا ہے۔