ذرائع کے مطابق ملزمہ کوثر مدعی مقدمہ سے بچے محمد عیسیٰ کو بہانے سے اپنے گھر لے گئی۔ بچے کے اہلخانہ نے تلاش شروع کی تو ہمسایوں کے گھر تالے لگے تھے۔

شاہدرہ پولیس کے مطابق بارہ گھنٹوں میں ملزمان کو گرفتار کیا، ملزمان میں کوثر بی بی، نسرین بی بی، سہیل اشرف شامل ہیں۔

دوسری طرف پنجاب پولیس کا بیرون ملک مفرور اشتہاری مجرمان کیخلاف کریک ڈاؤن جاری ہے۔ سعودی عرب سے ایک اور اشتہاری کو گرفتار کر لیا گیا ہے۔

تفصیلات کے مطابق بہاولنگر پولیس کو مطلوب اشتہاری عبدالغفار واردات کے بعد پاکستان سے بیرون ملک فرار ہو گیا تھا۔

پنجاب پولیس نے ملزم کا ریڈ نوٹس جاری کروایا اور اسے انٹر پول کے ذریعے سعودی عرب سے گرفتار کیا گیا۔

ملزم عبدالغفار کو پاکستان لایا گیا تو بہاولنگر پولیس نے لاہور ائیر پورٹ پر اسے حراست میں لے لیا۔ رواں برس بیرون ممالک سے گرفتار اشتہاری مجرمان کی مجموعی تعداد 144 ہو گئی ہے۔