کرن اشفاق حسین ڈارکا نام گزشتہ ہفتے پی پی پی رہنما حمزہ چوہدری سے دوسری بار رشتہ ازدواج میں بندھنے کے بعد سے سرخیوں میں ہے۔

اس جوڑے کی شادی کی تصاویر اور ویڈیوز سوشل میڈیا پر خوب وائرل ہیں۔

کرن اشفاق حسین نے اپنے سوشل میڈیا اکاؤنٹ انسٹاگرام پر بھی اپنے نکاح اور ہلدی کی تقریب سے اپنی تصاویر شیئر کی ہیں۔

شیئر کی گئی تصاویر اور ویڈیوز پر جہاں اس جوڑے کو مبارکباد دی جارہی ہے تو وہیں کچھ صارفین نے کرن اشفاق کو شدید تنقید کا نشانہ بھی بنایا ۔

ایک صارف نے تنقید کرتے ہوئے لکھا کہ ’اتنا جلدی تو ہم بریک اپ سے موو نہیں کرتے‘۔ اس تنقید کا دوٹوک جواب دیتے ہوئے کرن اشفاق حسین نے کہا کہ ’مطلب میں بیٹھی رہتی، میرے ماں باپ مجھے اکیلا دیکھ کر روتے، پریشان رہتے، شادی نہ کرتی، بس طلاق کے نام پہ بیٹھی رہتی‘۔

ایک اور صارف نے لکھا کہ ’عمران اشرف پیارا تھا زیادہ ویسے، اسے کیوں چھوڑا تھا ویسے‘۔ کرن اشفاق نے ان صارف کو بھی نہ چھوڑا، انہوں نے لکھا کہ ’اس نے چھوڑا تھا میں نے نہیں، اللہ نے مجھے بہتر انسان سے نوازا ہے‘۔

عمران اشرف اور کرن اشفاق کی شادی 2018 میں ہوئی تھی۔ 2022 میں دونوں نے اپنی راہیں جدا کرلی تھیں، جس کا باضابطہ اعلان کرن اشفاق نے اپنے سوشل میڈیا اکاؤنٹ پر کیا تھا۔

کرن اشفاق حسین ڈار کے شوہر حمزہ علی چوہدری پیشے کے اعتبار سے ایک کارپوریٹ وکیل اور نوجوان سیاست دان ہیں۔

حمزہ علی چوہدری سابق پاکستانی کرکٹر بھی رہ چکے ہیں۔