موسمیاتی تبدیلی کے اثرات سے نمٹنے کیلئے ہونے والے کوپ 28 اجلاس کے مندوبین نے متحدہ عرب امارات میں عوامی گرین زون کا رُخ کیا۔

کوپ28 کے دوران مندوبین دبئی کے ایکسپو سٹی میں واک کرتے دکھائی دیے اور گرین زون میں سیاح مختلف سرگرمیوں میں مشغول نظر آئے ۔

گرین زون ایک ایسی جگہ ہے جس کا انتظام کوپ 28 پریزیڈنسی کے ذریعہ کیا جاتا ہے۔ یہ دو ہفتوں تک سرکاری، نجی شعبوں، میڈیا، نوجوانوں، این جی اوز کے ساتھ ساتھ یو این ایف سی کے زیر انتظام بلیو زون کے مندوبین اور مہمانوں کے لئے کھلا رہے گا۔

گلف نیوز کے مطابق گرین زون آن لائن رجسٹریشن کے بعد حاصل کردہ مفت ایک روزہ پاسز کے ذریعے وسیع تر کمیونٹی کے لئے قابل رسائی ہے۔

گلف نیوز کے مطابق متحدہ عرب امارات میں ایکسپو سٹی دبئی میں اقوام متحدہ کی موسمیاتی تبدیلی کانفرنس کوپ 28 کے موقع پر برازیل کے نمائندوں نے منفرد انداز اپنایا۔

گرین زون ایک ایسی جگہ ہے جہاں اجتماعی اقدامات آب و ہوا کی پالیسی کو ٹھوس نتائج میں تبدیل کرسکتے ہیں۔ اس سے توانائی کی منتقلی میں تیزی آئے گی، جس سے موثر اقدامات کو آگے بڑھانے اور پائیدار ترقیاتی اہداف (ایس ڈی جیز) کو آگے بڑھانے مدد ملے گی۔