کراچی والوں کے لئے بری خبر یہ ہے کہ وفاق نے کے الیکٹرک صارفین کیلئے بجلی مہنگی کرنے کی درخواست نیپرا میں جمع کرادی ہے۔

وفاقی حکومت کی درخواست میں کراچی کیلئے بجلی1.72روپے فی یونٹ مزید مہنگی کرنے کی استدعا کی گئی ہے، اور یہ اضافہ گزشتہ مالی سال کی سہ ماہی ایڈجسٹمنٹ کی مد میں مانگا گیا ہے۔

مزید پڑھیں: اوور بلنگ معاملے پر قائمہ کمیٹی کا کے الیکٹرک کے خلاف تحقیقات کا حکم

درخواست میں ملک بھرمیں بجلی کا یکساں ٹیرف برقرار رکھنے کیلئے اضافہ مانگا گیا ہے، جس کے تحت جنوری تا مارچ کی سہ ماہی ایڈجسٹمنٹ میں1.25 روپے اور اکتوبر تا دسمبر 2022 کی سہ ماہی ایڈجسٹمنٹ میں47 پیسےاضافہ مانگا گیا ہے۔

نیپرا کی جانب سے درخواست پر20 دسمبرکو سماعت کی جائے گی۔