وائس آف امریکا کو انٹرویو دیتے ہوئے نگراں وفاقی وزیر فواد حسن فواد کا کہنا تھا کہ انتخابات کے ملتوی ہونے کی قیاس آرائیاں درست نہیں، امن و امان کی صورتحال پر انتخابات ملتوی نہیں ہوں گے۔

فواد حسن فواد کا کہنا تھا کہ آئین و قانون کو دیکھتے ہوئے انتخابات میں تاخیر کی گنجائش نہیں، مولانا فضل الرحمان اپنے خدشات پر سپریم کورٹ یا الیکشن کمیشن جا سکتے ہیں، سیاسی جماعتیں الزامات کے بجائے سیاسی منشور پر توجہ دیں۔

نگراں وفاقی وزیر نے کہا کہ کوشش ہے پی آئی اے نجکاری جس حد تک کر سکیں کر جائیں، کابینہ میں شمولیت کا مقصد نجکاری سے معیشت مستحکم کرنا ہے۔