پی سی بی اور آئی سی سی کے درمیان ”ہوسٹنگ رائٹس ایگریگیمنٹ“ پر دستخط دبئی میں ہوئے، معاہدے پر پی سی بی مینجمنٹ کمیٹی کے چیئرمین ذکاء اشرف اور آئی سی سی کے جوناتھن نے دستخط کیے۔

اس موقع پر ذکاء اشرف نے آئی سی سی حکام کو ٹرافی کے انتظامات بارے تفصیلی بریفنگ دی۔

چیئرمین پی سی بی نے نگراں وزیراعظم انوار الحق کاکڑ کی چیمپئینز ٹرافی کی بہترین میزبانی کرنے کے بارے میں ہدایات اور ٹرافی کی شرکاء ٹیموں کو فوول پروف اسکیورٹی فراہم کرنے بارے آگاہ کیا۔

آئی سی سی حکام کا ذکاء اشرف کی بریفنگ پر اطمینان کا اظہار کیا، جس کے بعد معاہدے کو حتمی شکل دے دی گئی۔

دوسری جانب ذکاء اشرف نے یو اے ای کرکٹ بورڈ کے سربراہ ذونونی سے بھی ملاقات کی اور کرکٹ کے حوالے سے مل کر کام کرنے پر اتفاق کیا اور اسے دونوں بورڈز کےلئے فائدے مند قرار دیا۔

ذکاء اشرف نے ذونونی کو دورہ پاکستان کی دعوت دی جو انہوں نے قبول کرلی اور پاکستان کو اپنا دوسرا گھر قرار دیا۔