ترجمان ایف آئی اے کے مطابق سپریم کورٹ از خود نوٹس کے احکامات کی روشنی میں ایف آئی اے اینٹی کرپشن سرکل اسلام آباد نے کاروائیاں کیں۔

وا گزار کروائی گئی پراپرٹی مجموعی طور پر 112 ایکڑ 9 کنال اور 14 مرلہ پر مشتمل ہے جس کی مالیت 6 ارب 40 کروڑ 2 لاکھ 90 ہزار سے زائد ہے۔

ایف آئی اے کی کارروائیاں اٹک، فتح جھنگ اور راولپنڈی کے مختلف مقامات پر عمل میں لائی گئیں، راولپنڈی ریجن سے 15 ایکڑ 3 کنال اور 2 مرلہ کی جائیدادیں وا گزار کروائیں گئیں جس کی مالیت 5 ارب 45 کروڑ 9 لاکھ ہے۔

حسن ابدال سے 97 ایکڑ 6 کنال اور 12 مرلہ کی جائیداد واپس لی گئی ہیں جس کی مالیت 589.390 ملین ہے۔

ترجمان کے مطابق وا گزار کروائی گئی پراپرٹی متروکہ وقف املاک حکام کے حوالے کر دی گئی ہے۔