باغبان پورہ میں شادی ہال کے باہر ملزم نے فائرنگ کرکے اپنی سابقہ بیوی، اس کے والد، بہن اور بھائی کو قتل کیا اور موقع سے فرار ہوگیا۔

پولیس کے مطابق ملزم نے مہندی کی تقریب سے واپس آنے والی فیملی پر فائرنگ کی، مقتولین اور زخمی فیصل آباد کی نجی سوسائٹی کے رہائشی ہیں۔

پولیس کا کہنا ہے کہ ققتول محبوب اپنے بھتیجے کی شادی میں آیا تھا، مقتولہ کرن کی دو سال پہلے ملزم سلمان سے طلاق ہوئی تھی، ملزم نےطلاق کی رنجش پر اپنی سابقہ بیوی اور اس کے خاندان کو قتل کیا۔

آئی جی پنجاب نے واقعہ کا نوٹس لیتے ہوئے ملزم کو جلد گرفتار کرنے کا حکم دیا۔

دوسری جانب شاہدرہ میں مبینہ پولیس مقابلے میں دو ڈاکو مارے گئے۔