سوشل میڈیاپر ابھیشیک اور ایشوریا رائے کے درمیان علیحدگی کی خبریں وائرل ہیں۔ انہی قیاس آرائیوں کے درمیان اس جوڑے نے بیٹی کی سالانہ تقریب میں شرکت کی۔

سوشل میڈیا پرآرادھیا کی پرفارمنس کی ایک ویڈیو وائرل ہورہی ہے۔ وائرل ویڈیو میں دیکھا جاسکتا ہے کہ سبز فراک میں ملبوس 12 سالہ آرادھیا نے ڈرامائی انداز میں انٹری دی اوراسٹیج پر انتہائی پُراعتمادی کے ساتھ اپنی لائنیں پیش کیں۔

آرادھیا کی پرفارمنس کے بعد انٹرنیٹ صارفین نے آرچیز اسٹار کے حوالے سے شدید ردِعمل کا اظہار کیا۔

ایک ایکس صارف نے لکھا کہ ’آرادھیا بچن کو دیکھ کر تمام آرچیز نیپو بچوں کو شرم آتی ہے‘۔

ایک سوشل میڈیا صارف کا ماننا ہے کہ مذکورہ فلم کے تمام اداکاروں کو آرادھیا سے سبق سیکھنا چاہئے۔

اسٹار کڈ کی تعریف کرتے ہوئے ایک صارف نے لکھا کہ ’آرادھیا کے اعتماد کو دیکھو، وہ اپنی عمر کے لحاظ سے کافی اچھا کام کر رہی ہیں‘۔

ناظرین اور انٹرنیٹ صارفین سے تعریفی جملوں کے بعد آرادھیا کو پہلی بار مختلف ہیئر اسٹائل میں نظرآنے پر تنقید کا نشانہ بھی بنایا گیا ہے۔ عموماً انہیں بے بی کٹ اسٹائل میں ماتھے پر بینگز کے ساتھ ہی دیکھا جاتا تھا۔

ابھیشیک کمار نامی صارف نے لکھا کہ ’ایشوریہ رائے کی بیٹی آرادھیا بچن کا ماتھا نظرآگیا‘۔

ایک اور صارف نے بھی بینگز کے بغیر پہلی بار آرادھیا کو دیکھنے پر ردِعمل کا اظہار کیا۔

ابھیشک اوراشوریہ کی بیٹی کی پرفارمنس پر ہیش ٹیگ #aaradhyabachchan کے ساتھ تبصروں کا طوفان اُمڈ آیا۔

شاہ رخ خان کے چھوٹے ابرام خان بھی امبانی اسکول کے سالانہ گالا میں پرفارم کرتے ہوئے ڈرامے کا حصہ تھے۔