کراچی : شارع فیصل پرعمارت میں آتشزدگی، چھت پر موجود 3 افراد کو ریسکیو کرلیا گیا

none@none.com (ویب ڈیسک) — Wed, 20 Dec 2023 00:56:10 +0500

کراچی کے علاقے شارع فیصل پرعمارت میں آگ لگ گئی، فائر بریگیڈ کی 2 گاڑیوں نے آگ بجھانے کے آپریشن میں حصہ لیا۔ میئر کراچی مرتضیٰ وہاب نے کہا کہ آگ عمارت میں اےسی کولنگ کےسسٹم کی وائرنگ میں لگی تاہم اب قابو پا لیا گیا۔

ریسکیو حکام کے مطابق آگ لگنے کا واقعہ کراچی کے علاقے شارع فیصل پر پیش آیا جہاں عمارت میں آگ بھڑک اٹھی تھی۔

میئرکراچی کا دورہ

شارع فیصل پر جس عمارت میں آگ لگی میئر کراچی مرتضیٰ وہاب نے وہاں کا دورہ کیا۔ میڈیا سے گفتگو میں انھوں نے کہا کہ شارع فیصل پر پارسا ٹاورمیں آگ لگی تھی، آگ عمارت میں اےسی کولنگ کےسسٹم کی وائرنگ میں لگی تاہم اب قابو پا لیا گیا ہے۔

انھوں نے کہا کہ عمارت میں تاحال کسی جانی نقصان کی اطلاع نہیں ملی، 3 افراد عمارت کی چھت پرموجود تھے،جنھیں ریسکیو کیا گیا۔

مئیر کراچی نے کہا کہ 7 روز قبل ہماری ٹیم نے فائرسیفٹی ایگزٹ کا معائنہ کیا تھا، عمارت میں فائرسیفٹی اورآگ بجھانے کیلئے ہائیڈرینٹ موجود تھا۔

Aaj TV - Pakistan

کراچی : شارع فیصل پرعمارت میں آتشزدگی، چھت پر موجود 3 افراد کو ریسکیو کرلیا گیا

مزید پڑھیں

میئرکراچی کا دورہ