محکمہ موسمیات کے مطابق کراچی میں موسم سرد اور خشک رہے گا، آج بھی تیز ہوائیں چلنے کا امکان ہے جب کہ آئندہ دنوں میں سردی کی شدت میں مزید اضافہ متوقع ہے۔

گزشتہ روز کم سے کم پارا 11.5 ریکارڈ کیا گیا، ہواؤں کی رفتار4 کلو میٹر فی گھنٹہ تھی جس میں نمی کا تناسب 49 فیصد تھا۔

محکمہ موسمیات نے کہا کہ شہر قائد کا موجودہ درجہ حرارت 17 ڈگری سینٹی گریڈ ریکارڈ کیا گیا، زیادہ سے زیادہ درجہ حرارت 26 سے 28 ڈگری سینٹی گریڈ تک جا سکتا ہے جب کہ ماہ جنوری سے شہر میں سردی کی شدت مزید بڑھنے کا امکان ہے۔