کرکٹر کو گزشتہ روز پنجاب پولیس نے برینڈ ایمبیسیڈر قرر کیا تھا۔

آئی جی پنجاب ڈاکٹر عثمان انور سے ملاقات میں انہیں آئی جی اور ایڈیشنل آئی جی پنجاب نے اعزازی ڈی ایس پی کے رینک لگائے۔ شاداب پنجاب پولیس کی وردی میں ملبوس تھے۔

یہ اعزازحاصل کرنے والے کرکٹر نے سماجی رابطوں کی ویب سائٹ ایکس پر تصاویر شیئر کرتے ہوئے لکھا کہ، ’ آئی جی پنجاب اور محکمے نے مجھے اعزازی ڈی ایس پی بنایا، ایک مختلف طریقے سے خدمت کرنے کی اجازت پر فخر ہے۔’

کرکٹر نے اپنی پوسٹ میں واضح کیا کہ، ’ ہم تبدیلی کی بات کرتے ہیں، آئیے وہ تبدیلی دیکھیں جو ہم دیکھنا چاہتے ہیں۔ میں اپنی اگلی نسل کی حوصلہ افزائی کرتا ہوں کہ اگر ممکن ہو تو ملک کی خدمت کرنے کے لئے سرکاری شعبے میں شامل ہوں۔’۔

شاداب خان نے اعزازی ڈی ایس پی مقرر ہونے پر آئی جی پنجاب کو سلیوٹ بھی کیا تھا۔

اس موقع پر ان کا کہنا تھا کہ پنجاب پولیس کی طرف سے برینڈ ایمبیسیڈر مقرر کیا جانا میرے لیے اعزاز اور بہت خُوش کن ہے، کبھی سوچا نہیں تھا کہ پنجاب پولیس کا حصہ بنوں گا۔