پشاور ہائیکورٹ میں پیشی کے بعد پی ٹی آئی چئیرمین بیرسٹر گوہر کی میڈیا سے گفتگو کرتے ہوئے کہا کہ الیکشن کمیشن نے ہمارا سرٹیفیکٹ جاری نہیں کیا،یہ خدشہ تھا کہ انتخابی نشان بلا کیا جا سکتا تھا۔

انہوں نے کہا کہ الیکشن کمیشن نے ہمارے انٹرا پارٹی انتخابات پر کوئی اعتراض نہیں کیا۔

ان کا کہنا تھا کہ چئیرمین شپ کا فیصلہ بڑا مشکل تھا، میں بانی چیئرمین کا نمائندہ ہوں، بانی چئیرمین کے باہر آتے ہی عہدے واپس کروں گا۔

انہوں نے کہا کہ الیکشن کمیشن میں شکایات دینے والے پلانٹڈ لوگ ہیں، شکایت کنندہ پی ٹی آئی کا حصہ ہی نہیں۔

ان کا کہنا تھا کہ ہمارے 8 لاکھ 37 ہزار رجسٹرڈ ووٹرز ہیں، الیکشن کمیشن میں جو درخواست گزار آئے وہ پلانٹڈ لوگ تھے، ہماری آن لائن ایپ موجود ہے جس میں تمام ممبرز موجود ہیں۔

بیرسٹرگوہر نے کہا کہ عدالت سے امید ہے انصاف ہوگا اور فیصلہ ہمارے حق میں آئے گا۔

بیرسٹر گوہر نے کہا کہ چیف الیکشن کمشنر سے مستعفی ہونے کا مطالبے کی حمایت نہیں کرتے، الیکشن کمشنر کے مستعفی ہونے سے انتخابات تاخیر کا شکار ہوسکتے ہیں۔