وائٹ ہاؤس میں قومی سلامتی کونسل کی ترجمان ایڈرین واٹسن نے ایک بیان میں کہا کہ یمنی حوثیوں کے بحیرہ احمرمیں جہازوں پر حملوں میں ایران ملوث ہے، ایران نے حوثیوں کو ڈرونز، میزائل اور تکنیکی معلومات فراہم کی ہیں۔

امریکی قومی سلامتی کونسل کی ترجمان نے الزام عائد کیا کہ ایران بحیرہ احمر میں جہازوں پر حملے کی منصوبہ بندی میں پوری طرح ملوث تھا، ہم جانتے ہیں ایران طویل عرصے سے خطے میں عدم استحکام کے لیے حوثیوں کی حوصلہ افزائی میں اس طرح کی مدد کرتا رہا ہے۔

دوسری جانب ایران نے بحیرہ احمر میں بحری جہازوں پر حوثیوں کے حملوں میں ملوث ہونے کے امریکی الزامات کو مسترد کردیا ہے۔

یہ بھی پڑھیں:

اسرائیلی جہاز پر ڈرون حملہ، ڈرون کس ملک کا تھا؟

یمنی حوثیوں کا 2 اسرائیلی بحری جہازوں پر حملہ

یاد رہے کہ فلسطین میں اسرائیلی جارحیت کے خلاف اور فلسطینیوں سے اظہار یکجہتی کے لیے یمنی حوثیوں کی جانب سے بحیرہ احمر کے راستے اسرائیل جانے والے بحری جہازوں پر ڈرون حملوں کیے گئے تھے۔

ان ڈرون حملوں کے بعد گزشتہ ہفتے امریکا نے بحیرہ احمر میں جہازوں کی باحفاظت نقل و حرکت جاری رکھنے کے لیے 20 ملکی بحری افواج کے اتحاد کا اعلان کیا تھا۔