محکمہ ابتدائی و ثانوی تعلیم نے اسکولوں میں بچوں پر جسمانی سزا کی شکایات کے لیے کمیٹیوں کے قیام سے متعلق ڈسٹرکٹ ایجوکیشن افسران کو مراسلہ ارسال کردیا۔

مراسلے میں کہا گیا کہ جسمانی سزا کی شکایت رپورٹ کرنے کے لیے ہر ضلع میں کمیٹی بنائی جائے، کمیٹی دو اسکول پرنسپل اور ڈی ای او آفس سے ایک افسر پر مشتمل ہوگی۔

محکمہ ابتدائی و ثانوی تعلیم نے کہا کہ کمیٹی جسمانی سزا سمیت دیگر شکایت متعلقہ حکام تک پہنچائیں گی، اسکولوں میں بچوں کو جسمانی سزا نہیں دی جائے گی۔

یہ بھی پڑھیں:

خیبرپختونخوا میں لاکھوں طلباء کا سرکاری اسکولز چھوڑنے کا انکشاف

باجوڑ کے اسکولوں میں اساتذہ کا فقدان کیوں؟

مراسلے میں یہ بھی کہا گیا کہ اسکولوں میں بچوں سے صفائی کروانے کی شکایت موصول ہوئی ہیں، لہٰذا کسی بھی سرکاری اسکول میں بچوں سے صفائی کرائی گئی تو اسکول ہیڈ کے خلاف کارروائی ہوگی۔