فیصل آباد میں کاغذات نامزدگی جمع کروانے کے بعد میڈیا سے گفتگو کرتے ہوئے راجہ ریاض نے کہا کہ سب سے پہلے عمران خان کے سسر کی کمپنی نے دو ارب ڈالر دیے ہیں، ان پیسوں سے فلسطین پر بم مارے جارہے ہیں، جس کی جتنی مزمت کی جائے کم ہے۔

راجہ ریاض نے بتایا کہ انہوں نے حلقہ این اے 104 سے کاغذات نامزدگی جمع کروائے ہیں۔

ان کا کہنا تھا کہ پی ٹی آئی کے پارٹی الیکشن کو اپنے لوگوں نے جعلی الیکشن قرار دیا، الیکشن کمیشن نے ان کا بلے کا نشان ختم کر دیا ہے اب وہ لوگ آزاد حیثیت سے الیکشن لڑیں گے۔

ایک سوال کے جواب میں ان کا کہنا تھا کہ کوئی کسی کو نہیں پکڑ رہا، این اے 104 میں 22 امیدواروں نے کاغذات جمع کروائے ہیں۔