چیف سلیکٹر سہیل تنویر کی سربراہی میں قائم قومی جونیئر سلیکشن کمیٹی نے مشاورت کے بعد قومی انڈر 19 ٹیم کا انتخاب کیا، میگا ایونٹ میں پاکستان ٹیم کی قیادت سعد بیگ کریں گے۔

انڈر 19 ورلڈ کپ کے لیے پاکستان کے 15 رکنی اسکواڈ میں نائب کپتان اسفند، علی رضا، احمد حسن، عامر حسن،عرفات منہاس، اذان اویس، محمد ریاض اللہ اور محمد ذیشان شامل ہیں۔

اس کے علاوہ نوید احمد خان، شاہ زیب خان، ہارون ارشد، خبیب خلیل، شامل حسین اور عبید شاہ بھی قومی اسکواڈ کا حصہ ہیں۔

ورلڈ کپ کے لیے روانگی سے قبل لاہور میں 28 دسمبر سے قومی انڈر 19 ٹیم کا تربیتی کیمپ لگایا جائے گا۔

یہ بھی پڑھیں:

انڈر 19 کرکٹ ورلڈکپ کا شیڈول جاری، پاک بھارت ٹاکرے کے کتنے امکان

آئی سی سی نے سری لنکا سے انڈر 19 ورلڈ کپ کی میزبانی چھین لی

واضح رہے کہ آئی سی سی انڈر 19 ورلڈ کپ اگلے برس 19 جنوری سے جنوبی افریقا میں شروع ہوگا۔