امدادی رقوم کی تقسیم کی تقریب کا انعقاد ڈسٹرکٹ کمپلیکس میں کیا گیا، جہاں ڈپٹی کمشنر سندس ارشاد نے ساٹھ مسیحی خاندانوں میں چھ لاکھ روپے کی امدادی رقوم کے چیکس تقسیم کیے۔

ڈپٹی کمشنر کا کہنا تھا کہ مسیحی برادری کی خوشیوں کو دوبالا کرنے کے لیے ان میں کرسمس گرانٹ کے چیکس تقسیم کیے گئے ہیں تاکہ وہ بھی اپنے اس تہوار کو خوشی سے منا سکیں۔

ضلعی انتظامیہ کی جانب سے مسیحی برادی کی خوشیوں کو دوبالا کرنے کے لیے کرسمس کیک بھی کاٹا گیا، جبکہ کرسمس کے موقع پر گرجا گھروں اور چرچز کو خوبصورتی سے بھی سجایا گیا۔

کرسمس کے اس موقع پر مسیحی خاندانوں میں خصوصی گرانٹ کی تقسیم خوش آئند اقدام ہے تاکہ مسیحی برادری کے یہ افراد بھی اپنے مذہبی تہوار کو جوش و خروش سے منا سکیں۔

دوسری جانب لاہور میں مسیحی برادری کی جانب سے کرسمس کی تیاریاں زور و شور سے کی گئیں، گھروں کو سجانے کیلئے آرائشی اشیاء کی دکانوں پر بھی رش رہا۔

مسیحی برادری کرسمس ٹری، سانٹا کلاز کی طرز کا لباس اور دیگر سجاوٹی اشیاء کی خریداری میں مصروف رہے۔

مزید پڑھیں: کرسمس کا درخت گرنے سے خاتون ہلاک ہوگئی

مسیحی برادری کا کہنا ہے کہ وہ اپنے مذہبی تہوار کو جوش و خروش سے منائیں گے۔

کرسمس کے موقع پر دکانداروں کو بھی چاندی ہو گئی ہے۔

اسی طرح پشاور میں بھی کرسمس کی تیاریاں عروج پر نظر آئیں، کوئی سانٹا ہیٹ تو کوئی کرسمس ٹری خریدتا نظر آیا۔

پشاور کے شہریوں کا کہنا تھا کہ کرسمس پر بچوں کی فرمائشیں سب سے زیادہ ہوتی ہیں، اس لیے اُن کی خاطر شاپنگ کرنا ضروری ہے۔

مسیحی برادری کا کہنا تھا کہ ہر سال کی طرح اس سال بھی وہ ملک کی ترقی کے لیے خصوصی دعائیں مانگے گے۔