عموماً خواتین اپنی سہولت کے لیے کچن میں چھوٹی آئل بوتل رکھتی ہیں اور وہ تبھی اچھی لگتی ہیں جب صاف ستھری ہوں۔

لیکن ہوتا یہ ہے کہ تیل کی یہ بوتلیں سب سے تیزی سے گندی ہوتی ہیں جبکہ خاتون خانہ انہیں چمکائے رکھنا چاپتی ہیں۔

تیل کی ان بوتلوں کو خواتین ان ٹوٹکوں کی مدد سے باآسانی صاف کرسکتی ہیں۔

گرم پانی سے دھوئیں

تیل کی خالی بوتل کو گرم پانی سے اچھی طرح صاف کرکے دھولیں۔ اس سے بوتل کے نچلے حصے میں بچے اضافی تیل کو ہٹانے میں مدد ملے گی۔

تیل کو صاف کریں

ایک صاف ٹشو پیپر یا کچن کا تولیہ لیں، خالی بوتل کو اور اس کے ڈھکن پر موجود اضافی تیل کو صاف کریں۔

ڈش واشنگ لِکوِڈ

گرم پانی میں ڈش واشنگ سوپ ملا کر اس کو تیل کی خالی بوتل میں بھریں۔ اسے کچھ دیر چھوڑدیں اور پھر بوتل کو اچھی طرح ہلا کر دھو لیں۔

بوتل صاف کرنے والا برش کا استعمال کرتے ہوئے بھی بوتل کو اچھی طرح صاف کیا جاسکتا ہے۔

لیموں پانی یا سرکہ

تیل کی خالی بوتل سے جراثیم اور بدبو کو مکمل طور پر دور کرنے کے لیے بوتل کو ایک بارسٹرک ایسڈ سے صاف کرنا ضروری ہوتا ہے۔

اس کیلئے لیموں کا رس یا سفید سرکہ کچھ پانی میں ملا کر اچھی طرح مکس کرلیں۔اس مکسچر کو بوتل میں ڈال کر برش سے اچھی طرح صاف کریں۔