سماجی رابطے کی ویب سائٹ ایکس (ٹوئٹر) پر ترجمان الیکشن کمیشن کی جانب سے جاری بیان میں پرویز خٹک کے اس دعوے کی تردید کردی گئی ہے۔

ترجمان الیکشن کمیشن نے کہا کہ الیکشن کمیشن کی طرف سے چیئرمین پی ٹی آئی پارلیمینٹیرین پرویز خٹک سمیت کسی کو بھی انتخابی نشان ”بلے“ کی پیشکش نہیں کی گئی۔

بلے کے نشان کی آفر ہوئی جسے مسترد کردیا، پرویز خٹک

یاد رہے کہ اس سے قبل پشاور میں میڈیا سے گفتگو کرتے ہوئے پاکستان تحریک انصاف پارلیمنٹیرین کے چیئرمین پرویز خٹک کا کہنا ہے کہ انتخابی نشان کی کوئی اہمیت نہیں، نشان جو بھی ہو اس سے کوئی فرق نہیں پڑتا، مجھے بلا دینے کی آفر کی گئی تھی لیکن میں نے یہ کہہ کر مسترد کیا تھا کہ مجھے کسی اور کے نشان پر الیکشن نہیں لڑنا۔

پرویز خٹک نے کہا کہ عوام کی بڑی تعداد ہمارے ساتھ آرہی ہے، کافی سیٹوں پر ہمارے آزاد امیدوار ہیں، ہمارا منشور تیار ہوچکا ، چند دن میں اعلان کریں گے۔

سابق وزیر اعلیٰ خیبرپختونخوا کا کہنا تھا کہ ہم نے حکومت کے ساتھ اداروں کو بھی ٹھیک کیا، وفاق نے ہمارے بہت سے حقوق ضبط کیے ہیں۔

ان کا کہنا تھا کہ ہمارے لوگوں کو بانی پی ٹی آئی بے وقوف سمجھتا ہے، صوبے کے لوگوں کو کہتا ہوں غلط فہمی میں نہ رہیں، سیاسی لوگ اپنے لیے میدان دیکھتے ہیں، جب میں نے اپنی پارٹی بنائی تو لوٹا کہا گیا۔

یاد رہے کہ پی ٹی آئی پارلیمنٹیرین نے پی ٹی آئی کی ایک اور وکٹ گرا دی، سابق ایم پی اے انجینئر محمد فہیم خان نے پریس کانفرنس میں پی ٹی آئی پی میں شمولیت کا اعلان کیا۔

اس موقع پر انجینئر فہیم کا کہنا تھا کہ پرویز خٹک کے علاؤہ کسی وزیر اعلیٰ نے صوبے میں کام نہیں کئے۔

مزید پڑھیں

انتخابی امیدواروں کی کڑی جانچ پڑتال شروع، آن لائن سینٹر کو اداروں کی مدد حاصل

نوازشریف، مریم نواز سمیت ن لیگ کے تمام امیدوار نیب اسکروٹنی میں کلیئر

پی ٹی آئی کا بلے کے نشان کے لیے عدالت جانے کاحتمی فیصلہ، بیرسٹر گوہر کی آج نیوز پر تصدیق