راحا کی پیدائش 6 نومبر 2022 کو ہوئی تھی جس کے بعد سے رنبیر اور عالیہ بیٹی کو میڈیا کے سامنے لانے سے گریز کے علاوہ خود بھی اس کی کوئی واضح تصویر شیئرنہیں کر رہے تھے۔

اس جوڑی کا کہنا ہے کہ ہم راحا کی پرائیویسی کا تحفظ کرنا چاہتے تھے اور جب ہم نے محسوس کیا کہ ہمیں ایسا کرنا چاہئیے اسی وقت دنیا کے سامنے راحا کا چہرہ لائیں گے۔

کیوٹ راحا سفید فراک کے ساتھ لال جوتے پہنے ہوئے تھی، صارفین نے جہاں بچی کے لیے نیک خواہشات کا اظہار کیا وہیں ان کے درمیان یہ بحث بھی چھڑ گئی کہ راحا کس سے مماثلت رکھتی ہے۔

یہ موازنہ کرنے کیلئے رنبیر اور عالیہ کی بچپن کی تصاویر انٹرنیٹ پر وائرل ہوئیں، بیشترصارفین کو لگتا ہے کہ رنبیر اورعالیہ کی بیٹی والدین پر نہیں گئی۔

ایک بات جس پر بڑی تعداد متفق نظر آئی وہ یہ ہے کہ راحا میں ’کپور جینز‘ ہیں اور وہ اپنے پردادا راج کپور اور دادا رشی کپور جیسی دِکھتی ہے۔

کچھ لوگوں کو یہ بھی لگتا ہے کہ راحا کرینہ کپور جیسی لگتی ہیں جو رنبیر کی کزن اور رشتے میں راحا کی پھپھو لگتی ہیں۔