ایف آئی آر کے مطابق لاہور میں ٹاؤن ہال کے قریب ٹریفک وارڈن نے نامعلوم موٹرسائیکل سوار کو برئیر ہٹانے سے منع کیا جس پر وہ طیش میں آگیا اور برئیر کو ٹھڈے مارنا شروع کردیے۔

موٹر سائیکل سوار نے فون کر کے اپنے 15 سے 20 ساتھیوں کو بلا لیا اور وارڈن کو اغوا کر کے ٹاؤن ہال لے گئے جہاں اسے تشدد کا نشانہ بنایا گیا۔

پولیس کے مطابق ملزمان نے ٹریفک وارڈن سلیم کو حبس بےجا میں رکھا اور نیم بہوشی کی حالت میں چھوڑ کر فرار ہوگئے۔

یہ بھی پڑھیں:

ٹریفک پولیس نے آن لائن لرننگ ڈرائیونگ لائسنس ایپ متعارف کروا دی

جہلم: پولیس کا فراڈ کے ملزم برطانوی شہری پر تشدد، ڈیل کرکے فرار کرادیا

سی ٹی او لاہور نے واقعہ کا نوٹس لیتے ہوئے ملزمان کے خلاف فوری کارروائی کا حکم دے دیا۔

پولیس نے ملزمان کے خلاف اغواء، کارسرکار میں مداخلت، سنگین نتائج کی دھمکیوں سمیت دیگر دفعات کے تحت مقدمہ درج کر لیا۔