70 ہزار کا سولر پینل 30 ہزار میں کیسے فروخت ہونے لگا

none@none.com (ہما بٹ) — Fri, 29 Dec 2023 17:38:57 +0500

لاہور میں بھی سولر پینل کی قیمتیں کم ہو گئیں، 70 ہزار والا پینل اب 30 ہزار روپے میں فروخت ہونے لگا، دکان دار کہتے ہیں کہ صارفین ان دنوں سولر پینل لگوا لیں، ہوسکتا ہے آئندہ ماہ پھر نرخ بڑھ جائیں۔

بجلی کی قیمتوں میں اضافے اور لوڈ شیڈنگ کے باعث پہلے ہی سولر پینلز کی مانگ بڑھ گئی تھی، اب نرخ میں ریکارڈ کمی کے بعد سولر پینل خریدنے کا رحجان مزید بڑھ گیا ہے۔

شہری کہتے ہیں کہ موسم سرما میں بھی بجلی کے بھاری بھرکم بلوں میں کوئی کمی نہیں آئی، وقت کا تقاضا یہی ہے کہ سولر پینل لگوالیں۔

دکان دار نے عندیہ دیتے ہوئے کہا کہ ہوسکتا ہے اگلے مہینے سولر پینلز کی قیمتیں پھر بڑھ جائیں، صارفین جلدی سے سولر پینل خرید لیں۔

مارکیٹ میں 70 ہزار روپے میں ملنے والا ایک پینل ان دنوں ڈیوٹی ختم ہونے کے بعد 30 ہزار کا ہو گیا ہے۔

Aaj TV - Pakistan

70 ہزار کا سولر پینل 30 ہزار میں کیسے فروخت ہونے لگا

مزید پڑھیں