بابر اعوان نے میڈیا سے گفتگو کرتے ہوئے کہا کہ نیا سال اگر 2023 جیسا ہے تو میں مبارک نہیں دے سکتا، میں نئے سال کی مبارکباد آپ کو نو فروری کو دوں گا۔

بابر اعوان نے کہا کہ پاکستان تحریک انصاف ہر قیمت پر الیکشن لڑے گی، ہم الیکشن جیتیں گے، ہر سیٹ پر ہمارے امیدوار ہیں۔

پی ٹی آئی رہنما کا کہنا تھا کہ مفرورِ پاکستان باہر ہی نہیں نکلتا، ایک طرف ہمارے امیدوار ہیں جو باہر نکلتے ہیں تو اٹھالیے جاتے ہیں، دوسری طرف جس کو اٹھا کر لائے تھے وہ باہر ہی نہیں نکلتا۔