آئی ایل ایف کا کہنا ہے کہ بتایا جائے کس قانون کے تحت درخواستگزاروں کو روکا جارہا ہے۔

انصاف لائرز فورم نے مطالبہ کیا کہ پشاور ہائیکورٹ کے گیٹ سے سیکیورٹی ہٹادی جائے، عدالت نہیں آئیں گے تو کہاں جائیں گے، اگر معاملہ حل نہیں کیا گیا تو سڑک بند کریں گے۔

دوسری جانب ایس پی کینٹ ڈویژن کا کہنا ہے کہ کسی کو روکا نہیں جارہا، سیکیورٹی خدشات کے پیش نظر شناخت کے بعد ہائیکورٹ میں داخلہ دیا جارہا ہے۔

خیال رہے کہ پی ٹی آئی رہنماؤں کی اپیلیں پاور آف اٹارنی کے تحت جمع کرائی جا رہی ہیں۔

انصاف لائرز فورم کا کہنا ہے کہ پاور آف اٹارنی کے تحت اپیل جمع کراسکتے ہیں، پاور آف اٹارنی کی صورت میں خود پیشی درکار نہیں۔

ہائیکورٹ کے باہر سخت سیکیورٹی انتظامات کئے گئے ہیں۔