بھارتی ریاست بہارسے ایک عجیب وغریب منظر کی ویڈیو وائرل ہوئی جس میں ایک خراب طیارے کو ٹریفک کے بیچوں بیچ پل کے نیچے پھنسا دیکھا جاسکتا ہے۔

یہ انوکھی ویڈیو سوشل میڈیا پر تیزی سے وائرل ہوئی۔ میڈیا رپورٹس کے ناکارہ طیارے کو بذریعہ ٹرک ممبئی سے آسام لے جایا جارہا تھا جب یہ بہار کے شہر موتیہاری میں یہ پُل کے نیچے پھنس گیا۔

دیگر کئی وائرل ویڈیوز میں اس پھنسے ہوئے طیارے کو پُل کے نیچے سے آہستہ آہستہ پیچھے ہٹتے دیکھا جاسکتا ہے۔

اس انوکھے منظر نے وہاں سے گزرتے شہریوں کی ایسی توجہ کھینچی کہ وہاں گھنٹوں ٹریفک جام رہا۔

طیارے کے پھنسنے کے حوالے سے بتایا گیا ہے کہڈرائیور کو پُل کی اونچائی کا اندازہ نہیں تھا اس لیے اس نے نیچے سے گزرنے کی کوشش کی تاہم پُل کی اونچائی زیادہ نہ ہونے کے باعث طیارہ پھنس گیا۔

پولیس کے مطابق پُل کے نیچے سے طیارے کو نکالنے میں تقریباً ڈیڑھ گھنٹے سے زائد کا وقت لگا۔