حال ہی میں بھارتی ریاست کولکتہ میں ہوئی ایسی ہی ایک ”خاص پارٹی“ نے انٹرنیٹ پر دھوم مچا دی ہے۔ اور اس پارٹی سے موصول ہونے والے آرڈر نے آن لائن فوڈ ڈیلیوری سروس ”زومیٹو“ کے سی ای او کو بھی حیران کردیا ہے۔

زومیٹو سی ای او دیپندر گوئل نے اس کے بارے میں پوسٹ کرتے ہوئے خواہش ظاہر کی کہ وہ بھی اس بارٹی میں شرکت کرنا چاہتے ہیں۔

دیندر گوئل نے اپنے ایک ٹوئٹ میں لکھا کہ وہ کولکتہ کی اس پارٹی میں شرکت کرنا چاہتے ہیں ’جہاں کسی نے صرف ایک آرڈر میں 125 اشیاء آرڈر کی ہیں‘۔

دیکھتے ہی دیکھتے دیپندر گوئل کی یہ پوسٹ وائرل ہوگئی اور لوگ متجسس دکھائی دیے کہ یہ 125 آئٹم کیا تھے؟ جبکہ ایک انٹرنیٹ صارف فکرمند نظر آئے کہ اتنا آرڈر آرڈر کتنے ڈرائیورز لے کر جائیں گے؟۔

تاہم، بعد میں گوئل نے انکشاف کیا کہ دراصل تمام 125 اشیاء رومالی روٹیاں (چپاتیاں) تھیں۔

اس کے علاوہ گوئل نے کمپنی کے نیو ائیر نائٹ ”وار روم“ کی تصاویر بھی شئیر کیں، جو صارفین کو کچھ خاص پسند نہیں آئیں اور ان پر خاصی تنقید کی گئی۔

ایک صارف نے لکھا کہ ’سر اصل محنت کش کو میدان میں ہیں ناکہ یہ لوگ جو اوپر تصویر میں نظر آرہے ہیں‘۔

ایک اور صارف نے لکھا کہ تصویر میں موجود لوگوں کی بھی فیملیز ہوں گی جو نئے سال پر ان کا انتظار کر رہی ہوں گی، آپ کیسے یقینی بنائیں گے کہ ان کی پارٹی خراب نہ ہو؟