حال ہی میں نمرہ مہرہ نے ایک کامیڈی شو میں شرکت کی جہاں انہوں نے گلوکاری سمیت کئی موضوعات پر اپنی آراء کا اظہار کیا۔

نمرہ مہرہ نے انٹرویو کے دوران ایک انکشاف کرتے ہوئے بتایا کہ لوگ انہیں اکثر بھارتی گلوکارہ نیہا ککڑ سے ملاتے ہیں۔

میزبان کی جانب سے بھارتی گلوکارہ نیہا ککڑ سے متعلق پوچھے گئے سوال پر انہوں نے کہا کہ ’مجھے نیہا ککڑ بہت زیادہ پسند ہیں۔ ان کا مسکراتے ہوئے گانا گانے کا اسٹائل بھی مجھے بہت پسند ہے۔ مجھے ذاتی طور پر ان کے گانے پسند ہیں‘۔

انہوں نے کہا کہ ’مجھے کوئی اعتراض نہیں ہے اگر کوئی میرا موازنہ نیہا ککڑ سے کرے بلکہ مجھے تو خوشی ہوتی ہے‘۔

نمرہ مہرا کو ان کے حالیہ وائرل گانے ’تو صبح دی پاک ہوا ورگا‘ کے بعد سے بہت زیادہ سراہا جارہا ہے۔ انہوں نے ابتدائی طور پر ہٹ پاکستانی شوز میں اپنی لائیو گلوکاری کے ذریعے شہرت حاصل کی۔

نمرہ مہرا نے پاکستان کے ہٹ ٹیلی ویژن ڈراموں کے او ایس ٹیز میں بھی اپنی آواز کا جادو جگایا ہے۔