جاپان نے زلزلے کے بعد جاری جانی والے سونامی کی وارننگ واپس لے لی ہے۔

اشیکاوا کے ایک علاقے میں آگ لگنے سے 100 سے زائد گھر جل گئے ہیں۔ ان علاقوں میں کافی پاکستانی آباد ہیں، اب تک تمام پاکستانیوں کے محفوظ ہونے کی اطلاع ہے۔

اس ہولناک زلزے سے قریبی شہر تویاما اور نیگاتا بھی بری طرح متاثر ہوئے ہیں، کئی علاقوں میں تودے گرنے سے سڑکیں بلاک ہوگئی ہیں۔

سڑکیں متاثر ہونے سے متاثرہ علاقوں میں پہنچنے میں دشواری پیش آرہی ہے۔

بہت سے لوگ اب بھی پناہ گاہوں میں پناہ لئے ہوئے ہیں جہاں پانی اور کھانے قلت بتائی جا رہی ہے۔

بجلی گھروں اور بجلی کے کھمبے گر جانے کی وجہ سے بہت سے علاقوں میں بجلی نہیں ہے۔