آئی سی سی نے کرکٹ قوانین میں اہم تبدیلیاں کردیں

none@none.com (ویب ڈیسک) — Thu, 04 Jan 2024 23:28:49 +0500

انٹرنیشنل کرکٹ کونسل (آئی سی سی) کی جانب سے کرکٹ قوانین میں مزید تبدیلیاں کردی گئی ہیں۔

نئی پلیئنگ کنڈیشن کے مطابق آن فیلڈ امپائر کی جانب سے اسٹمپ کی اپیل ہوئی تو ٹی وی امپائر کیچ کی جانچ نہیں کرسکے گا، کیچ کے لیے الگ سے ریویو لینا ہوگا۔

آئی سی سی نے کن کشن کا قانون بھی مزید واضح کردیا، بولنگ کے دوران کن کشن کی وجہ سے معطل کھلاڑی کے متبادل کو بولنگ کی اجازت نہیں ہوگی۔

آئی سی سی نے فیلڈ انجری کی تشخیص اور علاج کے لیے مقرر کردہ وقت بھی 4 منٹ تک محدود کردیا۔

قبل ازیں آئی سی سی کی جانب سے کہا گیا تھا کہ اب ٹی 20 اور ون ڈے میں اوورز کے دوران اسٹاپ واچ کا استعمال کیا جائے گا۔

میچ میں 3 بار اوورز کے درمیان 60 سیکنڈ سے زیادہ وقت لینے پر 5 رنز کی پینلٹی لگائی جائے گی ۔

آئی سی سی کے مطابق پچ یا آٶٹ فیلڈ کو 5 سال کے عرصے میں 5 یا 6 ڈی میرٹ پوائنٹ ملنے پر گراٶنڈ کا انٹرنیشنل اسٹیٹس ختم کردیا جائے گا۔

مینز او ر ویمنز آفیشل کی میچ فیس برابر کر دی گئی ہے، ویمنز کرکٹ کے میچ میں آفیشل کو بھی مینز کرکٹ جتنی میچ فیس ملے گی۔

Aaj TV - Sports

آئی سی سی نے کرکٹ قوانین میں اہم تبدیلیاں کردیں

مزید پڑھیں