دھوپ میں موجود وٹامن ڈی آسٹیوپوروسس کے امکانات کو کم کرتے ہوئے ہڈیوں کو مضبوط بناتا ہے۔ یہ بچوں کو بھی ہڈیوں کی بیماریوں سے بچاتا ہے۔

قدرت نے موسمِ سرما کی مناسبت سے موسمی خوراک میں غذائیت پوشیدہ رکھی ہے جو سردیوں میں ہونے والے انفیکشنز سے بچاؤ میں مدد کرتی ہے۔

ہر گھر میں موسمِ سرما میں خشک میوہ جات بہت ذوق و شوق سے کھائے جاتے ہیں۔ خشک میوہ جات نہ صرف سردی کی شدت کو کم کرتے ہیں بلکہ وٹامن ڈی سے بھرپوربھی ہیں۔

طبی ماہرین کے مطابق انجیر، کشمش، مونگ پھلی، کاجو، خشک خوبانی اور اخروٹ میں وٹامن ڈی کی وافر مقدار پائی جاتی ہے جو انسانی صحت کیلئے انتہئی مفید ہے۔

یہ مدافعتی نظام کو مضبوط رکھنے کے ساتھ ساتھ خون کے جمنے اور الیکٹرولائٹ کے توازن کو برقرار رکھنے میں مدد کرتے ہیں۔

ماہرین کے مطابق موسمِ سرما میں وٹامن ڈی کو ان وجوہات کی بناء پر اپنی غذاؤں میں لازمی شامل کرنا چاہئیے۔

ہڈیوں کی صحت

وٹامن ڈی کیلشیم جذب کرنے میں سہولت فراہم کرتا ہے، یہ ہڈیوں کی صحت اور مضبوطی میں بھی مدد کرتا ہے۔

مضبوط مدافعتی نظام

وٹامن ڈی انسانی جسم کو ہر قسم کے انفیکشن سے بچاتے ہوئے مدافعتی نظام کو مضبوطی بخشتا ہے۔

خوشگوار موڈ

خشک میوہ جات میں موجود وٹامن ڈی موڈ کوبہتر کرنے میں اہم کردار ادا کرتا ہے۔ یہ ذہنی تندرستی میں بھی اضافہ کرتا ہے۔

دائمی بیماری سے بچاؤ

وٹامن ڈی انسانی جسم کو دل کی بیماریوں سمیت متعدد دائمی بیماریوں کے خطرات سے بچاتا ہے۔