ادرک کو نہ صرف کاٹنے کا عمل مشکل ہوتا ہے بلکہ اس کا چھلکا اتارنا بھی پہاڑ جیسا کام سمجھا جاتا ہے۔

خواتین ادرک کوفریج میں کسی زپ لاک بیگ میں رکھنا یقینی بنائیں تو یہ طریقہ ادرک کو لمبے عرصے تک تازہ رکھنے میں مدد کرتا ہے۔

ادرک کے چھلکے کو آسانی سے اتارنے کیلئے خواتین ذیل میں موجود طریقہ اپنا سکتی ہیں۔

ادرک کو فریج سے باہر نکالنے کے بعد اسے چھلکا اتارے بغیر ٹکڑوں میں کاٹ لیں، اس کے بعد اسے گرم پانی سے دھولیں۔

اس کے بعد ایک چمچ یا چُھری لیں اور ایک ایک ٹکڑے کو ان کا استعمال کرتے ہوئے کُھرچیں۔

ادرک کے چھلکے کو مکمل طور پر ہٹانے تک کُھرچنا جاری رکھیں۔ اس طریقے کی مدد سے آپ ادرک کے چھلکے کو باآسانی ہٹا سکتے ہیں۔