ذرائع کے مطابق ملاقات میں عام انتخابات میں سیٹ ایڈجسٹمنٹ سے متعلق گفتگو ہوگی، دونوں جماعتوں میں این اے 242 کی نشست پر حتمی فیصلہ کل ہوگا، این اے 242 پر شہبازشریف اور مصطفی کمال امیدوار ہیں۔

ایم کیو ایم پاکستان، لیاری اور ملیر کی سیٹوں پر سیٹ ایڈ جسٹمنٹ کی پیشکش کرے گی، این اے 229، 230 اور 239 پر ن لیگ کو حمایت کی آفر کی جائے گی۔

دونوں جماعتوں نے عام انتخابات مل کر لڑنے کا فیصلہ کیا ہے ، ن لیگ اور ایم کیو ایم کی مذاکراتی کمیٹیوں کی ملاقات کے بعد آئندہ کے لائحہ عمل پر اہم اعلانات متوقع ہیں۔

ذرائع کا کہنا ہے کہ ن لیگی وفد میں رانا مشہود ، نہال ہاشمی اور دیگر شامل ہوں گے، جبکہ ایم کیو ایم وفد میں امین الحق ، انیس قائمخانی ، مصطفیٰ کمال اور فاروق ستار شامل ہوں گے۔