سوئی سدرن گیس کمپنی (ایس ایس جی سی) کی جانب سے جاری بیان میں کہا گیا ہے کہ متاثرہ پائپ لائن کی مرمت کیلئے ٹیکینکل ٹیم روانہ ہوچکی ہے، کوشش ہے کہ متاثرہ پائپ لائن کا مرمتی کام جلد مکمل کیا جائے۔

ترجمان ایس ایس جی سی نے بتایا کہ پائپ لائن متاثر ہونے کی سبب کوئٹہ کے کچھ علاقوں کو گیس کی فراہمی متاثر ہونے کا امکان ہے۔

ایس ایس جی سی کا کہنا ہے کہ لوڈ مینجمنٹ کی پالیسی کو بروئے کار لاتے ہوئے ہر ممکن کوشش کی جا رہی ہے کہ گھریلو صارفین کی گیس سپلائی زیادہ متاثر نہ ہو۔