حال ہی میں انہوں نے ایک پوڈکاسٹ شو میں شرکت کی جہاں انہوں نے طبی کیریئر اور اداکاری سے متعلق کھل کر گفتگو کی تھی۔

انہوں نے کہا کہ ’میں 25 سال کا تھا جب میرا ثروت سے پہلی دفعہ بریک اپ ہوا تھا۔ میں بہت زیادہ ٹوٹ چکا تھا۔ ثروت کے جانے کے بعد سے میں ایک زندہ لاش کی طرح تھا‘۔

فہد مرزا نے مزید کہا کہ ’اس کے بعد میں نے خود سے 15 سال بڑی اور 3 بچوں کی ماں سے شادی کرلی۔ میں نے اس دوران اپنا گھر اور اپنی فیملی بھی چھوڑ دی تھی‘۔

انہوں نے اپنی اہلیہ کی تعریف کرتے ہوئے کہا کہ ’میری پہلی بیوی نے مجھے مضبوط بنانے میں میری مدد کی اورآج میری ترقی میں ان کا بہت بڑا رول ہے‘۔

فہد مرزا کے مطابق ان کی علیحدگی خاصی خوشگواراندازمیں ہوئی تھی اور وہ دونوں ایک دوسرے کا احترام کرتے ہیں۔

اس کے بعد فہد مرزا نے پاکستانی اداکارہ ثروت گیلانی سے شادی کی تھی۔ اس جوڑے کے دو بیٹے ہیں اور حال ہی میں ان کی بیٹی کی پیدائش ہوئی ہے۔