”گاوی“ کے بورڈ آف ڈائریکٹر کے سربراہ پروفیسر ہوزے مینیوئل بیروزو نے کہا ہے کہ قومی اور بین الاوامی سطح پر قیادت کے تیس سالہ تجربے کی مدد سے ڈاکٹر ثانیہ نشتر نے صحتِ عامہ کے مساوی حق کی علم بردار کی حیثیت سے غیر معمولی شناخت اور شہرت یقینی بنائی ہے۔

پروفیسر ہوزے کے الفاظ میں پیچیدہ چیلنجز درپیش ہوں تو ڈاکٹر ثانیہ نشتر خود کو ندرتِ فکر کی حامل اور عمل پسند شخصیت ثابت کرتی رہی ہیں۔

”گاوی“ پبلک پرائیویٹ پارٹنر شپ ہے جو دنیا بھر کے نصف سے زائد بچوں کو خطرناک بیماریوں کے بچائو کی ویکسی نیشن یقینی بناتی ہے۔ یہ تنظیم ویکسین کے اخراجات ادا کرنے میں بھی ہاتھ بٹاتی ہے۔

ڈاکٹر ثانیہ نشتر کو تنظیم کے لیے عطیات جمع کرنے کے حوالے سے اہم کردار ادا کرنا ہوگا۔ سرمایہ کاری کے حوالے سے ایک بڑا ایونٹ جون میں ہوگا جس کی مشترکہ میزبانی فرانس اور افریقا سی ڈی سی کر رہے ہیں۔