اڈیالہ جیل میں عمران خان سے ملاقات کے بعد باہرآکرمیڈیا سے گفتگو کرنے والے پی ٹی آئی وکیل نے بتایا کہ اُن کی عمران خان سے کیا بات ہوئی ہے۔

نعیم پنجوتھا کے مطابق عمران خان کا کہنا تھا کہ سیکریٹ ایکٹ کےتحت کارروائی کاکہا گیا لیکن میں حقیقی آزادی کیلئے ڈٹ گیا، یہاں بڑے چوروں کو کلین چٹ دےدی جاتی ہے۔ سازش کرنے والوں پرکوئی کیس نہیں لیکن جس نے سازش کو ایکسپوزکیا اسے سزادی جارہی ہے۔

وکیل نے مزید بتایا کہ عمران خان نے کہا کہ ، ’عون چوہدری، گواہ ہے۔ جو ہمیں الیکشن سے باہر رکھنا چاہتے ہیں انہی کو ہمارے خلاف گواہ بنایا گیا تو ایسی گواہی کی کیا ویلیو ہو گی‘۔

عمران خان نے مزید کہا کہ توشہ خانہ میں اشیاء لینے کیلئے جو قانون تھا وہ پورا کیا گیا ہے، جس گاڑی کو توشہ خانہ سے لے ہی نہیں سکتے تھے اس پر کوئی سوال نہیں اٹھایا گیا۔ جان بوجھ کر ایسے مقدمات بنائے گئے ہیں۔

نعیم پنجوتھا نے سابق چیئرمین پی ٹی آئی سے اپنی گفتگو کی مزید تفصیلات بتاتے ہوئے کہا کہ 12 ماہ سے ہماری درخواست ہائیکورٹ میں پینڈنگ ہے،نہ درخواست واپس لینے دی جارہی اورنہ کیس چلنے دیا جارہا ہے۔

وکیل کے مطابق نعیم پنجوتھا نے ان سے یہ بھی کہا کہ نوازشریف نے اپنی سیاست ختم کرلی ہے۔

عمران خان کا مزید کہنا تھا کہ 9 مئی کے واقعے کی پوری تحقیقات ہونا چاہیئیں۔ اسلام آباد ہائیکورٹ اور وڈیشل کمپلیکس کی سی سی ٹی وی فوٹیجزکیو سامنے نہیں آرہیں۔