اس ڈی این اے ٹیسٹ کی مدد سے ابتدائی مرحلے کے کینسر کی 18 اقسام کی نشاندہی کی جاسکتی ہے جو تمام بڑے انسانی اعضاء کا درست طور پراحاطہ کرتی ہیں۔

کینسر کی ابتدائی تشخیص کے لئے یہ ملٹی اسکریننگ ٹیسٹ ایک گیم چینجر ثابت ہوسکتا ہے۔ یہ کینسر کے علاج کو آسان بناتا ہے اور کینسر کے مریضوں میں زندہ رہنے کی اچھی شرح کو یقینی بناتا ہے۔

نیا ڈی این اے ٹیسٹ خون میں موجود پروٹین کا تجزیہ کرتے ہوئے انسانی جسم کے اہم اعضاء میں ابتدائی مرحلے کے 18 مختلف اقسام کے کینسر کا پتہ لگانے میں مدد دے کرے گا۔

امریکی بایوٹیک فرم نووینا کی ٹیم کا کہنا ہے کہ اگرچہ خون کے پروٹین پہلے بھی استعمال کیے جا چکے ہیں لیکن ٹیسٹ کی درستگی اور خاصیت پچھلے پروٹینز سے کہیں زیادہ ہے۔

تحقیقی ٹیم نے جرنل بی ایم جے اونکولوجی کو بتایا کہ یہ دریافت 18 ٹھوس ٹیومرز کی ابتدائی تشخیص کے لیے ملٹی کینسر اسکریننگ ٹیسٹ کی بنیاد ہے جو اس طرح کے کینسر کے ابتدائی مرحلے میں تمام بڑے انسانی اعضاء کا احاطہ کرتے ہیں۔

یہ ٹیسٹ اس لحاظ سے اہم ہے کہ یہ کینسر سے پہلے اور ابتدائی مرحلے کے کینسر کی تشخیص میں مدد کرسکتا ہے۔

تاہم تحقیقی ٹیم کا کہنا ہے کہ نمونوں کے چھوٹے سائز کی وجہ سے ٹیسٹ کی تاثیر کا تعین کرنے کے لیے مزید مطالعے کی ضرورت ہے۔