کچھ دیر قبل سپریم کورٹ میں پی ٹی آئی کو بلے کا انتخابی نشان الاٹ کیے جانے سے متعلق پشاورہائیکورٹ کے فیصلے کیخلاف الیکشن کمیشن کی اپیل پر سماعت کے دوران بیرسٹر گوہر عدالت سے روانہ ہوگئے تھے۔

دوران سماعت پی ٹی آئی کے موجودہ چیئرمین بیرسٹر گوہر نے عدالت کو بتایا کہ خبرآئی ہے میرے گھر میں 4 ڈالے آئے، بیٹے اور بھتیجے پر تشدد کیا گیا اور سارے کاغذات لے کر چلے گئے۔ یہ بتاکر بیرسٹر گوہرسپریم کورٹ سے روانہ ہوگئے۔

بیرسٹر گوہر کا کہنا تھا کہ مزید دلائل نہیں دے سکتا، مجھے جانا ہوگا۔

گھر میں لوگ داخل ہوگئے، بیرسٹر گوہر عدالت سے جانے پر مجبور

اس چیف جسٹس نے ایڈیشنل اٹارنی جنرل سے کہا کہ، ’ایسا کچھ نہیں ہونا چاہیئے تھا، اگر ایسا ہوا ہے تو اس معاملے کو دیکھیں۔‘

تاہم اب پولیس کی جانب سے وضاحت دہیتے ہوئے کہا گیا ہے کہ بیرسٹرگوہرکے گھرپرچھاپا غلط فہمی کی بناپرمارا گیا۔

پولیس کے مطابق اشتہاریوں کی گرفتاری کیلئےچھاپےمارے جارہےتھے، یہ علم ہونے پر کہ یہ بیرسٹرگوہرکاگھر ہے پولیس بغیرکوئی کارروائی کیے لوٹ آئی۔ نہ ہی کسی کوماراگیا ہے اور نہ کوئی دستاویزات لی گئیں۔

آئی جی اسلام آباد ڈاکٹر اکبر ناصر خان نے اس حوالے سے صحافیوں سے مختصر گفتگو میں کہا کہ کسی قسم کا کوئی حملہ نہیں ہوا۔

آئی جی اسلام آباد فوری طور پر عدالت پہنچے۔ انہوں نے کہ پولیس اپنی وضاحت جاری کر چکی ہے اور عدالت سے واپس آکر وہ مزید تفصیلات دیں گے۔