آفیشل اے آئی کاپی متعارف کروائے جانے کےط بعد سنی لیونی بالی ووڈ کی وہ پہلی شخصیت بن گئی ہیں جنہیں یہ اعزاز حاصل ہوا۔

سنی لیونی کی ہم شکل اے آئی روبوٹ کی کاپی بھارتی اے آئی ٹیکنالوجی کمپنی ’کاموٹو‘ کی جانب سے متعارف کروائی گئی ہے جو اس سے قبل متعدد کاروباری، کھیلوں سے وابستہ افراد اور سوشل میڈیا شخصیات کی کاپیاں متعارف کروا چکی ہے۔

یہ آفیشل کاپی بالکل اداکارہ جیسی ہی ہے تاہم آواز کچھ مختلف ہے۔

اگر آواز نہ سنی جائے تو شاید ہی کوئی پہچان پائے کہ یہ سنی لیونی نہیں بالکل ان کا ’آرٹیفیشل ورژن‘ ہے۔

اس روبوٹک چیٹ بوٹ کی مختصر ویڈیو اداکارہ نے ایکس پوسٹ می شیئر کی۔

اے آئی سے تیار شدہ روبوٹ نے بتایا کہ ان کا کام اداکارہ کے مداحوں کی جانب سے پوچھے گیے ہر سوال کا جواب دینا ہے۔

کمپنی نے سنی لیونی کی آفیشل اے آئی کاپی کا چیٹ بوٹ بھی بنایا ہے جس سے کوئی بھی شخص کسی بھی وقت کسی بھی موضوع پر بات کرسکتا ہے اور اسے فوری طور پر جواب دیا جائے گا۔

اس کے علاوہ اسے آڈیو کال بھی کر سکتے ہیں لیکن اس کے لیے ماہانہ کم سے کم ایک ڈالر فیس کے عوض سبسکرپشن پلان لینا ضروری ہوگا۔