وزارت اقتصادی امور کی ششماہی رپورٹ کے مطابق رواں مالی سال کے پہلے 6 ماہ میں پاکستان کو 5 ارب 96 کروڑ ڈالر کی بیرونی فنڈنگ ملی، جس میں سے دوست ممالک سے 72 کروڑ 31 لاکھ ڈالر ملے۔

جولائی دسمبر میں کثیرالجہتی اداروں سے 2 ارب 24 کروڑ ڈالر ملے جب کہ دوست ممالک کی طرف سے2ارب ڈالر کے ٹائم ڈیپازٹ حاصل ہوئے۔

رواں مالی سال کی پہلی ششماہی میں عالمی بینک نے سب سےزیادہ رقم دی۔ پہلے 6 ماہ میں عالمی بینک نے ایک ارب ڈالر سے زائد کا قرض فراہم کیا۔

ایشیائی ترقیاتی بینک نے59کروڑ ڈالر کاقرضہ دیا۔ ایشین انفرا اسٹرکچر انویسٹمنٹ بینک نے 29کروڑ ڈالر کا قرض دیا جب کہ اسلامی ترقیاتی بینک نے16کروڑ ڈالر کا قرضہ فراہم کیا۔

پاکستان نےپیٹرولیم درآمد میں ساڑھے59کروڑ ڈالر کی سعودی آئل سہولت بھی استعمال کی۔