سماجی رابطے کی ویب سائٹ ایکس (ٹوئٹر) پر سابق وزیر داخلہ رانا ثناء اللہ نے سابق وزیراعظم عمران خان کے بیان پر ردعمل ظاہر کرتے ہوئے کہا کہ اسرائیل اور بھارت سے چندہ لینے والے نے یہی بیان دینا تھا۔

رانا ثناء اللہ نے کہا کہ یہ غدار پاکستان پر چار سال تک وزیراعظم بن کر مسلط رہا، اس کا بیان پاکستان پر حملے کی مذمت کرنے کے بجائے پاکستان کی خودمختاری کے حق پر کمپرومائز کرنے کا بیان ہے۔

ن لیگ کے رہنما کا مزید کہنا تھا کہ یہ پاکستان کے بجائے دہشت گردوں کے ساتھ کھڑا ہے، اسے پاکستانی بچوں کی شہادت کا غم نہیں، دہشت گردوں کے مارے جانے کا غم ہے، اس سوچ پر لعنت ہے۔

رانا ثناءاللہ نے یہ بھی کہا کہ یہ بیان کوئی محب الوطن پاکستانی نہیں صرف دہشت گردوں کا ترجمان دے سکتا ہے، 9 مئی کے مجرم کے خلاف اس بیان پر پاکستان سے سنگین غداری کا مقدمہ درج ہونا چاہیے۔