پاکستان میں تعینات ایرانی سفیر رضا امیری مقدم نے ”ایکس“ پر ایک پیغام میں کہا ہے کہ دونوں ممالک نے تاریخی طور پر مشکل اوقات میں ایک دوسرے کا ساتھ دیا، ہمارے مشترکہ خطرات اور مفادات ہیں۔

رضا امیری نے مزید لکھا، ’ایران برادر اسلامی ملک پاکستان کی حدود اور علاقائی سالمیت پر یقین رکھتا ہے، دہشتگردی جیسے مسائل اور ان میں دلچسپی دونوں ممالک کیلئے مشترکہ ہیں‘۔

ایرانی سفیر نے اپنے پیغام میں مزید کہا کہ ’دونوں ممالک منفرد طور پر خطے میں اپنے غیرمطابقت پذیر مفادات کے ذریعے سیکیورٹی، معیشیت اور معاشرتی بحالی کو فروغ دے سکتے ہیں‘۔

دوسری جانب ایران کے لیے پاکستانی سفیر مدثر ٹیپو نے بھی کہا کہ پاکستان نے ہر مشکل صورتحال میں ایران کا ساتھ دیا، پاکستان امن واستحکام اور ترقی کے فروغ کے لیے پرعزم ہے۔